سوچاں دے وچہ پا کے تینوں ملدا کی اے
میتھوں مکھ پرتا کے تینوں ملدا کی اے
راہواں دے وچہ راہی بُھلے پھردے نیں
ہجر دے وچہ تڑپا کے تینوں ملدا کی اے
سُکھ دے سارے سجن بیلی ہوندے نیں
دُکھ میںوں ورتا کے تینوں ملدا کی اے
سلیم کہانی پیار دی اج تائیں کھلی ناں
اکھیاں رج روا کے تینوں ملدا کی اے
غم نال ناطہ جوڑ کے ہسی جاندا ایں
اسراں دس ستا کے تینوں ملدا کی اے
محمد سلیم
No comments:
Post a Comment
Note: only a member of this blog may post a comment.