جد وی کانی ونڈ ہوندی اے
کعبے نوں ای کنڈ ہوندی اے
سر دے بھار نوں اوہ ای جانے
جہدے سر تے پنڈ ہوندی اے
گنے، امب، انگوراں توں وی
پیار چ بوہتی کھنڈ ہوندی اے
گھٹ ای وسدا جس جُھگے دی
اپنی اپنی گھنڈھ ہوندی اے
وِچ شریکے منہ تے وجی
گل وی قسمے چنڈ ہوندی اے
ڈر جائیے تے دُھپاں وچ وی
چنگی بھلی ٹھنڈ ہوندی اے
واء تے کنڑیاں وانگر خُرما
لیکھ دی اپنی پھنڈ ہوندی اے
خرم چودھری
No comments:
Post a Comment
Note: only a member of this blog may post a comment.