سرگی دی حمد
ہنجُو لال تے چانن چِٹا
سرگی دی درگاہ
تیرے ناں دی چھانویں بہ کے
کرئیے اکھ سواہ
تُوں لعلاں نُوں کُکھ چوں جمیا
بدل بُھلے راہ
راہواں اندر سو سو لِیکاں
مرشد یار پناہ
چل دلڑے وچ جھاتی پائیے
چم چم بھری کپاہ
ناں کوئی ساڈی مرضی دُوجی
ناں کوئی ساڈی چاہ
آ اتوار گلابی کرئیے
آ چھنکار شرابی
آ گلیاں وچ رُڑھ رُڑھ ترئیے
آ پھڑئیے مرغابی
آ چھنکائیے روح وچ حسرت
ہسیے لابی لابی
کوریڈوراں وچ دُکھ سُٹئیے
ٹیرس تے بے خوابی
عامر سہیل
No comments:
Post a Comment
Note: only a member of this blog may post a comment.