پنجابی نعتیہ عارفانہ کلام
وچھوڑے دے میں صدمے روز جھلاں یا رسول اللہﷺ
کراں میں تیریاں دن رات گلاں یا رسول اللہﷺ
جدوں ویکھاں کوئی جاندا مسافر شہر تیرے نوں
کیویں وگدے ہوئے ہنجواں نوں ٹھلاں یا رسول اللہﷺ
ہوائے وگدِیئے! لے جا مدینے اتھرو میرے
تے آکھیں ہور کی میں نذر گھلاں یا رسول اللہﷺ
جنہاں نوں عشق تیرےﷺ دا کدی پانی نئیں ملیا
دلاں دیاں اوہ سدا سک جان ولاں یا رسول اللہﷺ
ظہوری نوں ملے قطرہ تِرے وگدے سمندر چوں
تِریؐ رحمت دیاں ہر پاسے چھلاں یا رسول اللہﷺ
محمد علی ظہوری
No comments:
Post a Comment
Note: only a member of this blog may post a comment.