پنجابی نعتیہ عارفانہ کلام
کالیاں زُلفاں والا دُکھی دِلاں دا سہارا
قسم اے خدا دی سانوں سب نالوں پیارا
دَساں کی میں مصطفٰیؐ دی کِڈی اُچی شان اے
آپ دی تعریفاں وچ سارا ای قرآن اے
پڑھ کے تو ویکھ جیہڑا مرضی سپارا
قسم اے خدا دی سانوں سب نالوں پیارا
ایڈا سوہناؐ نبیؑ کوئی دنیا تے آیا نئیں
یار ایہو جیا کوئی رب نے بنایا نئیں
نبیؐ دی توہین سانوں کدے نئیں گوارا
قسم اے خدا دی سانوں سب نالوں پیارا
دیندے نے گواہی ذرے ذرے کوہِ طور دے
ویکھدے نصیباں والے جلوے حضور دے
آمنہؑ دا چنﷺ تے حلیمہ دا دُلارا
قسم اے خدا دی سانوں سب نالوں پیارا
کہندی اے حلیمہ مُکھ ویکھ لجپال دا
لبھ کے لیاواں کتھوں سوہناؐ تیرے نال دا
چودھویں دا چن نالے عرشاں دا تارا
کالیاں زُلفاں والا دُکھی دلاں دا سہارا
میرے سوہنے نبیؐ دا تے دلاں اُتے راج اے
اساں گنہگاراں دی تے اوہدے ہتھ لاج اے
کرماں دی تے خیر منگے حافظ بے چارا
کالیاں زُلفاں والا دُکھی دلاں دا سہارا
حافظ محمد حسین
No comments:
Post a Comment
Note: only a member of this blog may post a comment.