اکھیاں دی جوگ
میرے توڑ دیندی انگ
میرا رکھدی نہیں ننگ
مینوں پُٹھا دیندی ٹنگ
فیر ماردی اے ڈنگ
رات ناگ ورگی
سمے وِچوں توڑیاں
ورھیاں چہ جوڑیاں
گُھم گاؤندی گھوڑیاں
میرے کنیں روڑھیاں
رات راگ ورگی
چڑھ نور والی کھڈی
میتھو وج جاوے اڈی
ماس چھڈ دیندا ہڈی
میری ٹور دیندی گڈی
رات لاگ ورگی
باہر پوہ چوں لیاوے
گل پُھلاں دی سُناوے
پینگھ رنگاں دی جُھلاوے
جِویں جَندڑی کلاوے
رات ماگھ ورگی
مُڑ کُھل جاندا بھیت
جُھوٹھ ڈِگے وانگ ریت
میں بَناں پھگن چیت
رَل ہس پیندے کھیت
میرے بھاگ ورگی
بہتے لاگ ورگی
رات ناگ ورگی
شکیلہ جبیں
No comments:
Post a Comment
Note: only a member of this blog may post a comment.