پیر ڈولدے دیکھے نی میں اُچی ماری چیک
جا انبراں تے پکھی نی میں ٹُری نور دی لیک
بسم اللہ، جی آیاں نوں، مُکی اج اُڈیک
پھڑیا رات دا کاسہ میتھوں چانن منگے بھیک
رات ماردی اَڈی نی میں پِچھے تاڑی ماراں
ہتھ پھڑ کے میرا مینوں رات نے دِتیاں ساراں
بُکل لاہ کے آن کھلوتی رات جویں مُٹیار
لاہا، گھاٹا سانجھا آکھے کر لے اج بپار
بھر جوانی میری میرا سانبھے کون کھلار
تُون جے جتنا سوہیے میں ہس لینی آں بار
رات سوگندی ہسّی نی پھگّن جویں بہاراں
ایہہ سروپی گھڑیاں نی میں کِتھّے نس گزاراں
چُم رات دا مُکھڑا نی میں بِک نوں پایا گھیرا
اک ہو کے لایا دوہاں ابراں اُتے پھیرا
کیہڑا لابا گھاٹا نی، تے کیہڑا تیرا میرا
اِک ویکھ کے سانوں رانجھن آپی پڑھیا سہرا
رات میرے وِچ سُتی رل ویکھیا یاراں
گُوڑھی نیندر سُتی نی میں جاگ چھیڑدی تاراں
شکیلہ جبیں
No comments:
Post a Comment
Note: only a member of this blog may post a comment.