چل چلیے مدینے نوں ساہنواں دا پتہ کوئی نہیں

 نعتیہ عارفانہ کلام

چل چلیے مدینے نوں، ساہنواں دا پتہ کوئی نہیں

بِن تکیے حبیباں نوں، جیون دا مزا کوئی نہیں

طیبہ دے باغاں دے، پُر کیف نظارے نے

طیبہ دی ہوا ورگی، دنیا تے ہوا کوئی نہیں

تک سوہنےؐ دے چہرے نوں، صدیقؓ نے فرمایا

سرکارؐ دی سُوں مینوں، سرکارؐ جیا کوئی نہیں

دل بھیڑا تے پاپی اے، ہر اوس منافق دا

جس دل وچ آقاؐ دی، بیٹی دا حیا کوئی نہیں

صدیق ؓعمرؓ افضل،۔۔ عثمانؓ علیؓ اعلیٰ

ہے بدی و بھلی دنیا، پر ایناں جیا کوئی نہیں

وچ قبر تے حشر شالا، روئے نظر کریماں دی

بس ایس دعا تو ہور، اجمل دی دعا کوئی نہیں

یاسین اجمل چشتی