پنجابی نعتیہ عارفانہ کلام
بن سرکارﷺ دا تابعدار
بن سرکارﷺ دا تابعدار
آپؐ دی تابعداری کر کے
بن جا رب دا یار
پیارے نے اصحابؓ نبیؐ دے
سارے پُھل گلاب نبیؐ دے
کل اصحابہؓ وچوں وکھرے
یار نبیؐ دے چار
حسنؑ حسینؑ دی شان اُچیری
کراں بیان نہیں طاقت میری
میں ایناں چوں ایہہ میرے چوں
خود کہندے سرکارؐ
یا رب میں مسکین سوالی
چُماں جا روضے دی جالی
دیکھ کے روضہ پاک نبیؐ دا
جِندڑی دیواں وار
دل نوں شیشے وانگ بنا لے
وِچ اوہدیؐ تصویر سجا لے
اکھیاں نوں بند کر کے ہر دم
کردا رہو دیدار
سوہنےؐ نال پیار کری جا
سینے نوں گلزار کری جا
پاک رسولؐ دے بیڑے اُتے
ہو جا پھر اسوار
سیدنا صدیقؓ اکبر وی
عثمانؓ عمرؓ علیؓ حیدر وی
چُم کے ناصر آپؐ دے جوڑے
بن گئے نیں سردار
ناصر چشتی
No comments:
Post a Comment
Note: only a member of this blog may post a comment.