کدی آ جاندوں دلدار ہو گیا حال فقیراں

 پنجابی نعتیہ عارفانہ کلام

کدی آ جاندوں دلدار ہو گیا حال فقیراں

مینوں ہجر نہ دیوے مار ہو گیا حال فقیراں

رو رو کے دن لنگھ دے جاندے

ہن مسکین دے بھرم نہیں رہندے

کدی آ کے دے دیدار ہو گیا حال فقیراں

ہسدی دیکھ خدائی مینوں

ڈ نگدی اے تنہائی مینوں

مینوں ناں آزما ہن یار ہو گیا حال فقیراں

میں جہیا پاپی چور نہ کوئی

تیرے ورگا ہور نہ کوئی

میں نوکر توں سردار ہو گیا حال فقیراں

تیرے باجھ بہار وی رووے

میں اجڑی دا پیار دی رووے

میرا رووے ہار سنگھار ہو گیا حال فقیراں

میں مجبور نماناں ساده

حشر دے دن دا کر نہ وعدہ

ہنے آ مل جا منٹھار ہو گیا حال فقیراں

ناصر بردا گولا تیرا

ہاں جو وی ہاں ڈھولا تیرا

میری سن لے حال پکار ہو گیا حال فقیراں

ناصر چشتی