پنجابی نعتیہ عارفانہ کلام
کوئی آوے تیرے در توں نہ خالی یا رسول اللہﷺ
سکندر وی تیرے در دے سوالی یا رسول اللہﷺ
خدا دے واسطے درشن عطا کر کے بجھا دینا
ہجر تیرے نے اگ جہڑی ہے بالی یا رسول اللہﷺ
بڑے عرصے توں ہے دل وچ تمنا دکھ سناون دی
سناواں سینے لا کے نوری جالی یا رسول اللہﷺ
عمرؓ عثمانؓ دا صدقہ علىؑ حسنینؑ دا صدقہ
عطا فرما دیو دردِ بلالیؓ یا رسول اللهﷺ
اناں باغاں نوں پَھل لگدے اناں باغاں نوں پُھل لگدے
تُوںؐ ہوویں جیہڑیاں باغاں دا مالی یا رسول اللهﷺ
تساڈی ٹوکری مینوں بچایا ہر دی ٹھوکر توں
ہر اک مشکل تساڈے نام ٹالی یا رسول اللهﷺ
تساڈا نور ناں ہُندا جے ظاہر ایس دنیا تے
سی کِنے ٹالنی ایہہ رات کالی یا رسول اللهﷺ
تیرے دربار وِچ ناصر کرے کیہ پیش نذرانہ
فقط ہے کول اک ہنجواں دی ڈالی یا رسول اللهﷺ
ناصر چشتی
No comments:
Post a Comment
Note: only a member of this blog may post a comment.