پنجابی نعتیہ عارفانہ کلام
ہر پاسے تیرے ناں دا شور عربی ڈھولیاﷺ
تیرے جہیا کوئی وی نہیں ہور عربی ڈھولیا
تیری ایہہ کریمی اے جے روضے تے بلا لویں
اساں مسکیناں دا نہیں زور عربی ڈھولیا
گُڈیاں ہور چڑھ اسماناں اُتے جاندیاں
تیرے ہتھ جہناں دی اے ڈور عربی ڈھولیا
رب کہندا؛ کچھ وی اوہ میرا نہیں لگدا
کر چھڈیں جہنوں اگنور عربی ڈھولیا
وار دیاں سارے تیرے روضے دی بہار توں
تخت ہزارے تے بھنبھور عربی ڈھولیا
روضے دے چوفیرے انج عاشقاں دے ڈار نے
چَن نال جیویں ہے چکور عربی ڈھولیا
بُھل گیا چَن اسمان اُتے ٹہلنا
ویکھی جدوں تیریؐ اونے ٹور عربی ڈھولیا
تیراؐ نام لے کے تے طوفاناں نال کھیندے نیں
میرے جہے لکھاں کمزور عربی ڈھولیا
بن جاوے منگتا جے تِرےؐ حسنینؑ دا
ناصر نوں چاہیدا کی ہور عربی ڈھولیا
ناصر چشتی
No comments:
Post a Comment
Note: only a member of this blog may post a comment.