نعتیہ عارفانہ کلام
او وی ویلا آوے یار میں مدینے ہوواں
جے کرم کرن سرکارؐ میں مدینے ہوواں
تیرے شہر طیبہ آواں سبز گنبد نوں ویکھی جاواں
بھاویں مل جاون دن چار میں مدینے ہوواں
جے ہوئے سرکار دی مرضی بن کر رہواں میں دردی
دیواں ساری عمر گزار میں مدینے ہوواں
محبوباﷺ مدنی منٹھار درد ونڈاون والیا یار
آوے کرماں والا وار میں مدینے ہوواں
تیرا ہو جائے دیدار میں مدینے ہوواں
غم دی لہر وچ ڈب نہ جاواں واسطہ آل تیری دا پاواں
میرا کر دے بیڑا پار میں مدینے ہوواں
کر دے سوہنیاؐ کرم نوازی تِرے درتے آوے نیازی
تیرا وسدا رہوے دربار میں مدینے ہوواں
عبدالستار نیازی
No comments:
Post a Comment
Note: only a member of this blog may post a comment.