اک جان بچا، گھر جا بیٹھا
اک جیوندیاں کھل لہوا بیٹھا
کیہ دل دی گل سنا بیٹھا
جہڑی گل سی اوہو گوا بیٹھا
توں حد وچ رہنا نہ بُھلیں
نہیں رہندا فیر سدا بیٹھا
جو سردا پجدا پا جھولی
اج ڈگدا ڈھیندا آ بیٹھا
کیہ آکھاں اوس سیانے نوں
بھیڈاں وچ اوٹھ رلا بیٹھا
میں کجھ نہ کر سکیا دل دا
نکی جیہی گل ودھا بیٹھا
چل دوجیاں لئی تھاں ویکھی کر
توں عامر! عمر ہنڈا بیٹھا
طفیل عامر
No comments:
Post a Comment
Note: only a member of this blog may post a comment.