ایہہ کوئی گل اے
آٹا مہنگا چینی مہنگی
مہنگا پھل اے
ایہہ کوئی گل اے
روٹی مہنگی، نان وی مہنگا
سستی کھل اے
ایہہ کوئی گل اے
بکرا دنبہ ویہڑا کٹا
کالا، ڈبا، بگا، چٹا
سُکیاں لتاں گوشت تھوڑا
موٹی کھل اے
ایہہ کوئی گل اے
گوشت سارا دیگ اچ پایا
طالب نائی خوب پکایا
بیگم کہندی سخت اے بوٹی
مرچی ول اے
ایہہ کوئی گل اے
تینوں دسیا فریج دا بوہا
بھر کے گوشت بند نئیں ہندا
تیرے ولوں کوئی تسلی
ناں کوئی حل اے
ایہہ کوئی گل اے
عید دے دن وی جے کر یارو
مل کے سارے میں نہ مارو
اتوں اتوں جھوٹے ہاسے
دل اچ ول اے
ایہہ کوئی گل اے
نامعلوم
No comments:
Post a Comment
Note: only a member of this blog may post a comment.