ایہہ کوئی گل اے
ساڈا کدھرے ناں وی کوئی نہیں
تیری گل اے،۔ ایہہ کوئی گل اے
ساڈے سِر تے تیری ساری بل و بل اے
ایہہ کوئی گل اے
ساڈے لئی نہ رہن نُوں تھاں اے
نہ کوئی رُکھ اے نہ کوئی چھاں اے
تیرا ہر گھر لگدا جیویں تاج محل اے
ایہہ کوئی گل اے
تینوں دل دا مسئلہ دَسیا
ایہہ وی دسیا مسئلہ تُوں ایں
تیرے ولوں کوئی تسلی نہ کوئی حل اے
ایہہ کوئی گل اے
لوکاں نال توں کِھڑ کِھڑ ہَسیں
خوشی مناویں، رَسیں، وَسیں
ساڈا ہو کے ساڈے لئی بس اَج تے کل اے
ایہہ کوئی گل اے
صغیر احمد
No comments:
Post a Comment
Note: only a member of this blog may post a comment.