عارفانہ کلام نعتیہ کلام
محبوب مدینے والےﷺ دے دربار توں ملدا ہر ویلے
گل چھوڑ سویرے شاماں دی سرکارؐ توں ملدا ہر ویلے
دربار خدائے واحد دا،۔ در بار مدینے والےؐ دا
لا ریب خدا دے ماہیؐ دے دربار توں ملدا ہر ویلے
رب آپ بنایا دو جگ دا، مختار مدینے والےؐ نوں
لَکھ ہون سوالی ہر ویلے مختار توں ملدا ہر ویلے
آ، بن مہمان مدینے دا، کشکول بنا لئے دل تائیں
پھر دیکھی رسولاں نبیاں دے سردارؐ توں ملدا ہر ویلے
اک جان علیؑ تے میں دونویں، فرمان نبیؐ نے کیتا اے
سرکارؐ دو عالمﷺ تے حیدر کرّار توں ملدا ہر ویلے
ہے شان نزالی پنجتن دی، کونین سوالی پنجتن دی
سب آل تے صائم پنجتن دی، سرکارؐ توں ملدا ہر ویلے
صائم چشتی
No comments:
Post a Comment
Note: only a member of this blog may post a comment.