عارفانہ کلام نعتیہ کلام
ایہہ سب جلوے ایہہ سب روشن نظارے
بنے صدقے میرے آقاﷺ دے سارے
میں اوہدی گرد پا توں وار دیواں
چمکدا چن تے ہسدے ستارے
خدا شاہد اوہ پیارے نے خدا دے
مِرے محبوبؐ نوں جو وی نے پیارے
جدوں وی وگڑدی تقدیر عالم
اشارہ اوس دا پل وچ سنوارے
ہے شان اوس دی کون و مکاں تے
تے سورج من دا اوہدے اشارے
جو دامن چھڈ دیندے مصطفیٰﷺ دا
اوہ کونجاں وانگ کد رلدے نے سارے
نبیﷺ دی آل دی خیرات دے اتے
پئے ہندے نے صائم دے گزارے
صائم چشتی
No comments:
Post a Comment
Note: only a member of this blog may post a comment.