1 مٹی نامہ
مٹی بیڑی، پتن لُڈن
لُڈن، ہیر، سہلیاں، کڈھن
مٹی چھناں، ونجھلی، چُوری
مٹی ڈانگ، ڈنگوری بُھوری
کیدو مٹی، کھیڑا مٹی
ہیر دا سارا ویہڑا مٹی
مٹی سہتی سنے مراد
مٹی نال جہان آباد
مٹی چرخہ ہتھی مٹی
پُونی مٹی، جُٹی مٹی
مٹی سونا مٹی چاندی
مٹی حاکم مٹی باندی
مٹی تاج مٹی تلوار
مٹی دشمن مٹی یار
مٹی روضہ تاج محل
مٹی لیلٰی دا محل
مٹی کھنڈ تے مٹی کھیر
مٹی زہر تے مٹی تِیر
مٹی اُپر مٹی تھلے
مٹیوں نِکلے مٹی چلے
مٹی کھوہ حیاتی لئی
کھوہ دی مٹی کھوہ وچ پئی
خادم فرید چشتی
No comments:
Post a Comment
Note: only a member of this blog may post a comment.