تیری گل نوں پال ریا واں
پیار دا دیوا بال ریا واں
اج اوہ ایدر مونہہ نئیں کردا
پل پل جس دے نال ریا واں
غم پے گئے نیں کھیڑے میرے
میں ہس ہس کے ٹال ریا واں
اج مٹی وچ رُل گیاں میں
ہیرا موتی لعل ریا واں
پیار دی دولت دتی اے توں
پل پل مال و مال ریا واں
شاید میں وہ کندن بنڑ جاں
ہستی اپنی گال ریا واں
آزاد اوہ ہنڑ بھُل بھل گئے نیں
پل پل جنہاں نال ریا واں
آزاد حسین
No comments:
Post a Comment
Note: only a member of this blog may post a comment.