جدوں دا میں بابا دی گلی چوں لنگھیا
چشتیاں دے رنگ وچ گیا رنگیا
سوہنا گنج شکر پیا گنج ورتاندا اے
ہر کوئی جھولیاں بھر لئی جاندا اے
اوہو کجھ مِلیا جو مونہوں منگیا
چشتیاں دے رنگ وچ گیا رنگیا
پیر سردار عالم در ایہ ویکھایا اے
چشتی نظامی پٹہ میرے گل پایا اے
تائیوں ایتھوں منگیا میں نہیوں سنگیا
چشتیاں دے رنگ وچ گیا رنگیا
چشتیاں دے رنگ وچ گیا رنگیا
نظر کرم دی بابا فرماندے نے
در اُتے آیاں تائیں کول بٹھاندے نے
بابا تیرے پیار میرا دل ڈنگیا
چشتیاں دے رنگ وچ گیا رنگیا
رب نوں منان لئی میں تیرے کول آواں گا
عشق دے مصلےٰ تے نماز پڑھی جاواں گا
وانگ منصور جاواں سولی ٹنگیا
چشتیاں دے رنگ وچ گیا رنگیا
عبدالحمید نظامی
No comments:
Post a Comment
Note: only a member of this blog may post a comment.