ٹُر جا بھاویں دور دراڈھے، چھڈیں نہ سنگ پنجابی دا
چڑھ جاوے گا اک دن سجناں، جگ تے رنگ پنجابی دا
وار دیویں تن من اپنا لاویں نہ لنگ پنجابی دا
موہ لیندی ایہ من نوں چھیتی، ایہ جیہا ڈھنگ پنجابی دا
اکھر ایہدے سونے ورگے، تے مٹھے بول پنجابی دے
ساریاں بولیاں وڈیاں جگ تے، بھُلیں نہ انگ پنجابی دا
ایہو تیتھوں چاہناواں، ایہو اکو میری مانگ
اوکھے سوکھے ویلے وی، توں چنگا منگ پنجابی دا
جد وی ویلے چیتے آون، ساحل بُک بُک روندا ایہ
باہو وارث نانک دا، سی چنگا سنگ پنجابی دا
ساحل اعوان
No comments:
Post a Comment
Note: only a member of this blog may post a comment.