جیکر حُکم دیوو سرکار تے آواں گا
ہاں ہاں نچدا نچدا دار تے آواں گا
فیر ہوون گے بُوتھے بند شریکاں دے
جیہڑے دن میں پِنڈ چ کار تے آواں گا
یا تے تینوں لے کے واپس پرتاں گا
یا فیر اڑئیے جنگ اخبار تے آواں گا
اتھرو بن کے تیری اکھ چ کھیڈاں گا
اکھیوں ڈِگیا تے رُخسار تے آواں گا
بُلھیا جس دن لاگو ہو گئی ماں بولی
گھنگھرو بنھ تیرے دربار تے آواں گا
گلیں باتیں نئیں، میں اپنے شعراں نال
اک دن وِیلے دے معیار تے آواں گا
زین جٹ
No comments:
Post a Comment
Note: only a member of this blog may post a comment.