چُپ کر کُڑیئے قسمت پُڑیئے انج نہ ڈھاواں مار
بے ترساں دے اگے رونا جاندا اے بے کار
اسماناں دے بوہیاں تے وی دیر , ہنیر دے تالے
تیریاں چِیکاں کِسراں پُجن اسماناں توں پار
کون تیرے لئی ادھی راتیں کھولے آن عدالت
کون تیرے انصاف دی خاطر چُکے گا تلوار
کل نُوں لینا پے جانا اے کیس وی تینوں واپس
تیرے نال کھلووے گی نئیں ویلے دی سرکار
عبرتناک سزا کوئی دیوے حشر کرے انج بھیڑا
جس نُوں حشراں تیکر چیتے رکھے کُل سنسار
احمد نعیم ارشد
No comments:
Post a Comment
Note: only a member of this blog may post a comment.