توں وی دنیا داری کیتی من دا ایں
اپنی سوچ بازاری کیتی من دا ایں
میرے دل دا حال نہ پچھیا خبر نہ لئی
اپنی گل توں ساری کیتی من دا ایں
کھوہ حرصاں دے جوئے نہ طمعاں رکھی
پیار دی گل اے پیاری کیتی من دا ایں
تیری خاطر جاگن والیاں پا لیا تینوں
نہ توں ملن تیاری کیتی من دا ایں
نال میرے توں پگ پگا کے میٹی لے کے
نہ توں اپنی واری کیتی من دا ایں
راتیں اٹھ اٹھ سیس نوائے تسبیح گیڑی
رو رو گریہ زاری کیتی من دا ایں
سلیم ہمیشہ دل دی منیں دل دی کیتی
رج رج نفس سواری کیتی من دا ایں
محمد سلیم
No comments:
Post a Comment
Note: only a member of this blog may post a comment.