چُنی دا میں جال بنا کے ویکھ لیا اے
اوہدے سو سو ترلے پا کے ویکھ لیا اے
اوہدی کنڈ سی نالے ہاسے ڈلھدے سن
میں وی کچے گھڑے تے جا کے ویکھ لیا اے
جن، چڑیل تے بھوت ڈرامہ کر کے میں
رولا پا کے، چمّ لہا کے ویکھ لیا اے
پوہ دے چن نوں تکنا سوکھا کم تے نہیں
کھلھے گھر دی چھت تے جا کے ویکھ لیا اے
لیکو لیکی متھا کھپاں پا دندا اے
چُپ دے اندر بھید لکا کے ویکھ لیا اے
اُچی بولیاں لوکیں پاگل کہندے نے
دھڑکن نوں آواز بنا کے ویکھ لیا اے
میرے تے الماس بشارت اترے گی
اکھاں دے وچ یار وسا کے ویکھ لیا اے
صائمہ الماس
No comments:
Post a Comment
Note: only a member of this blog may post a comment.