پہلے مینوں ہجر ستایا ساہ نہیں آیا
فیر کلاوا دکھاں پایا ساہ نہیں آیا
اونتر جانا کھسماں کھانا ات وچھوڑا
جیہڑے دن دا متھے لایا ساہ نہیں آیا
اج وی میرا جیون اوہدی مُٹھی وچ اے
جِنے چِر تک اوہ نہیں آیا ساہ نہیں آیا
بختاں والی سیج تے ہالی اکھ لگی سی
ویلے چا کے انج وگایا ساہ نہیں آیا
پُٹھیاں سمجھاں والیا پِیرا ڈُبدے دل دا
چنگا تیتھوں دم کروایا ساہ نہیں آیا
ایوب کموکا
No comments:
Post a Comment
Note: only a member of this blog may post a comment.