اکھ کھول کے یا اکھ کج ویکھاں
تینوں سوہنیا میں رج رج ویکھاں
کدی دانے بھنا،۔ کدی آٹا چکی
کس حیلے تینوں کس پج ویکھاں
جہڑے تھاں تے کوئی، کدوں خوش ربا
بنے کھوتا گھوڑا بھیڈ مجھ ویکھاں
تیرے دم دے نال سبھے روپ میرے
کہڑے ول دے نال بن سج ویکھاں
جاندا دس دا جو کتے ہوئے نہ اوہ
راہیاں جاندیاں نوں بھج بھج ویکھاں
کدی انج ہووے مل پئیں مینوں
حال تیرا پچھاں، حج چج ویکھاں
رب جانے کیوں اج دل کرے ڈاڈھا
کسے لاری، ٹرک وچ وج ویکھاں
سبھے سوچ دے نیں گھاٹا وادھا ایتھے
ایہہ نہ سوچیا کل نہ میں اج ویکھاں
طفیل عامر
No comments:
Post a Comment
Note: only a member of this blog may post a comment.