کیہ وچھوڑا ہندا اے
پھمنی پھوڑا ہندا اے
ویکھ کے لسے نوں ایتھے
ہر کوئی چوڑا ہندا اے
مل ٹکانے تے پیندا
کلے گھوڑا ہندا اے
ہر کوئی نیں سن سکدا
سچ کوڑا ہندا اے
توں جاویں تے دل میرا
تھوڑا تھوڑا ہندا اے
ڈٹھا دل میں تنگ جتھے
ویہڑا سوڑا ہندا اے
میں تے سنیا سی ربا
جوڑا جوڑا ہندا اے
عامر ماڑا تگڑے لئی
دھک مکوڑا ہندا اے
طفیل عامر
No comments:
Post a Comment
Note: only a member of this blog may post a comment.