جدید پنجابی شاعری
میں سنیا اے
اماں شہر اچ
جسم دے انگ وی وِک جاندے نے
چل نی اماں
شہر نوں چلیے
میں کہنی آں
اکھاں ویچ کے بالاں نے جو سُفنے ویکھے
پورے کرداں
دل دی سُن لا
خالی بنجر ہو چلیا اے
ایس توں پہلاں کلر پئے جائے
ویچ اونی آں
کچا کوٹھا پکا ہو جاؤ
جد وی بدل گجے اماں
بال نمانے ڈر جاندے نے
وِتھاں ٹوئے بھردے بھردے
ماں پیو اُنج وی مر جاندے نے
چل نی اماں
شہر نوں چلیے
مہرو ندا احمد
ماہ رو ندا احمد
No comments:
Post a Comment
Note: only a member of this blog may post a comment.