اکو پِنڈ دیاں سئیاں
ڈاڈھی لال انھیری مگروں
اک دھرتی دے جائے وِچھڑے
اکو رُکھ دے پنچھی
اک انبر دے چن تے تارے
اک تسبی دانے
اکو بانہ دے ونگاں گجرے
اکو گُت دیاں لڑیاں
اکو ول دے پُھل گُلابی
اک پِپل دیاں گولھاں
اکو پینگھ دے ہُل ہُلارے
اک گادھی دے ہُونٹے
اکو چھت دے کڑیاں بالے
اکو گھر دیاں کندھاں
اک بیڑی دا پُور نمانا
اک دریا دیاں چھلّاں
اک کونجاں دا ڈار نکُھٹا
اک چِڑیاں دا چنبا
اکو پِنڈ دے سجن بیلی
اکو پِنڈ دیاں سئیاں
خورے کدھر گئیاں
خورے کدھر گئیاں
ارشاد سندھو
No comments:
Post a Comment
Note: only a member of this blog may post a comment.