اپنا آپ پچھان کُڑے
نہ کر ایڈا مان کُڑے
لمے پینڈے، اوکھیاں راہواں
کر لے کُجھ سامان کُڑے
ہتھیں قبراں لاہ کے سنگی
بن بیٹھیں انجان کُڑے
نہ دے دوش ہور کِسے نوں
اپنی توں شیطان کُڑے
ویلے ہتھیں ڈھیہندے ویکھے
گبھرو تے پہلوان کُڑے
قبراں دے وِچ بھونچلاں سیہون
حاکم تے سلطان کُڑے
اوس نوں بھُل کے وی نہ بھُلیں
دینی جِس نُوں جان کُڑے
شاہد حسین
No comments:
Post a Comment
Note: only a member of this blog may post a comment.