سینہ تان کھلوتا ہویا ویکھ انا دے اگے
دِیوا بال کے رکھیا سی جو تیز ہوا دے اگے
لکھاں ایہدے ترلے کیتے پیریں ہتھ وی لائے
کوئی وی ترلا پیش گیا نہ ایس قضا دے اگے
تُوں کربل توں ہو کے آیا تینوں خبر ایہ ہونی
تیریاں دس وفاواں کیہ نیں اوس وفا دے اگے
کوئی وی مسئلہ اڑدا نہیں نہ کوئی اے مُشکل رہندی
جد وی ہتھ اُٹھاوندا واں میں فیر دُعا دے اگے
میں شکیل! حیاتی اندر ایہو اکو چاہناں
میرا سر بس اُچا ہووے وقت حیا دے اگے
منور شکیل
No comments:
Post a Comment
Note: only a member of this blog may post a comment.