سمجھن دا نہ کجھ کوڑ دماغاں کیتا
کیتا نہ کسے دلدے جو داغاں کیتا
جھکھڑاں دے ہنیراں چ نہ بلدے دیوے
تاثیر ایہہ زخماں نے چراغاں کیتا
سوجھاں نوں سیانف نوں ایہہ واچے کیہڑا
اپنے نوں پرائے نوں ہاں جاچے کیہڑا
تاثیر اپنے آپ نوں لبھن خاطر
اپنے چ پہلے آپ گواچے کیہڑا
ویلے دے طور اسیں جے جاچے ہندے
دنیا دی بھیڑ وچ نہ گواچے ہندے
شعراں چ لکوندے نہ جے درداں تائیں
تاثیر جگ توں پترا نہ واچے ہندے
صدیق تاثیر
No comments:
Post a Comment
Note: only a member of this blog may post a comment.