راہواں وِچ اوہ ڈولی سی
دُکھاں فیر اَکھ کھولی سی
کِسراں چُکدا اس دا بھار
تیری گَل ای ہَولی سی
میں وی کِناں رویا ساں
تُوں وی کِناں بولی سی
سینے وچوں پار ہوئی
گَل سی ایہہ یا گولی سی
لوکاں اَگے روندی رئی
اوہ وی کِنی بھولی سی
اَونی چھیتی لنگھ گئی اے
جِنی ہولی ہولی سی
زین! اخیر تے میرے کول
میری خالی جھولی سی
زین شکیل
No comments:
Post a Comment
Note: only a member of this blog may post a comment.