ریاست
پولیس اے
فوج اے
عدالت اے
ہٹی ہے جمہور دی مذہب دی
یا گھوڑا ہے کہیں فاتح دا
ایہ پانڑی کتھوں پیندی اے
ایہ ٹکر کتھوں کھاندی ہے
کپڑے کیڑھے پیندی ہے
کتھوں ٹر کے آئی ہے
ایہ جنگل کیوں کپیندی ہے
ایہ دریا کیوں وچیندی ہے
ایہ کیندے کولوں پچھدی ہے
ہمسائے کون ہوندے ہٍن
ایہ لوکیں توں ڈردی ہے
انہاں دے پیالے توں
انہاں دی کنڑک تے ڈاتری توں
انہاں دے چولے دے پُھل توں
ما بولی توں
اساں ایں ریاست بارے
سوال کجھ چیندے ہیں
رفعت عباس
No comments:
Post a Comment
Note: only a member of this blog may post a comment.