پُٹھی مت دا مطلب دساں
بھیڑی لت دا مطلب دساں
ہتھ وچ ہتھ تے دے دتا ای
ہتھ وچ ہتھ دا مطلب دساں
اک تُنکا نئیں جھلیا جاندا
نک وچ نتھ دا مطلب دساں
دل نے ات مچا دتی اے
دل دی ات دا مطلب دساں
جس دی نُکر پاٹی دس دی
کیہ اُس خط دا مطلب دساں
اپنے گھر دی راہ نئیں سُجھدی
وجی مت دا مطلب دساں
ہجرا جے کر ساہ آوے تے
تیری ات دا مطلب دساں
ماں کہندی اے ستے خیراں
ربا! ست دا مطلب دساں
سر تے پیو دا ہتھ ہووے تے
سر دی چھت دا مطلب دساں
شبیر حسین بٹ
No comments:
Post a Comment
Note: only a member of this blog may post a comment.