واہ باندر دی ونڈ
کھیر دی راکھی کتے بیٹھے
دُدھ دی راکھی بلے
لومڑ دے فرمان دے اتے
کُکڑاں کٹے چِلے
لگھڑ بگھڑ میچ کراون
اِلاں مارن تاڑی
ایس جنگل دے وسنیکاں دی
دُھر توں قسمت ماڑی
باندر ہتھ ترکڑی آئی
سوہنی ہوئی ونڈ
بلبل نُوں دھرکونے لبھے
اُلو کھا گئے کھنڈ
ماڑے بندے دی کنڈ اُتے
آئی ایم ایف دی پنڈ
یار حکیما! جہڑا آوے
کِھچ کے مارے چنڈ
واہ باندر دی ونڈ
احمد نعیم ارشد
No comments:
Post a Comment
Note: only a member of this blog may post a comment.