لنگھیاں نے سر توں بھاویں ظلم دیاں گڈیاں
سچ آکھن والیاں میں عادتاں نہیں چھڈیاں
ظلم نے اج پھیر اوہدے زرفاں نوں للکاریا
جس دے اگے ویلیاں گن گن لکیراں کڈھیاں
آس دا سورج پتہ نہیں پنگھرے گا کس گھڑی
پاغلاں دے وانگ دیکھاں روز چک چک اڈیاں
سوچ دے ویلے سی جہڑے نیندراں نے کھوہ لئے
مل دے وچ کم کر کر چور ہوئیاں ہڈیاں
میں وی آں مقروض، میرا باپ وی مقروض سی
میریاں سوچاں نے میری عمر توں وی وڈیاں
وقت دا عیسیٰ سلیم اج مشکلاں وچ گھر گیا
سوچ نے اس واسطے تھاں تھاں صلےباں گڈیاں
سلیم دلاوری
No comments:
Post a Comment
Note: only a member of this blog may post a comment.