جنہاں پیار دے دِیوے بالے نے
اوہ لوک نصیباں والے نے
اوہ نِگھیاں یاریاں کی ہوئیاں
جد پین لگے وِچ پالے نے
سانوں لوریاں نال سلا دِتا
اساں جد وی ہوش سنبھالے نے
کی حال میں دساں لوکاں دا
منہ چِٹے، اندروں کالے نے
ہُن عزتاں دے اوہ چور ہوئے
جہڑے عزتاں دے رکھوالے نے
منزل دی راحیل اڈیک رہی
بھاویں پیریں پے گئے چھالے نے
عاشق راحیل
No comments:
Post a Comment
Note: only a member of this blog may post a comment.