عارفانہ کلام حمد نعت منقبت جدید پنجابی شاعری
مقام خیر دیار ہدیٰ جہان کرم
جناب فخرِ دو عالم کا آستانِ کرم
دیارِ پاک ذرے ہوں کیوں نی رشکِ نجوم
زمینِ شہرِ محمدﷺ ہے آسمانِ کرم
کھلے ہیں شوکت وعظمت کے پھول طیبہ میں
مہک رہا ہے بہرِ طور گلستانِ کرم
مِرے حضورؐ نے بخشا ہے زندگی کا شعور
مِرے حضورؐ ہیں روحِ عطا وجانِ کرم
مِرے حضورؐ ہیں عرفاں کی منزلوں کے نقیب
مِرے حضورؐ ہیں سالارِ کاروانِ کرم
ستم کی دھوپ ہے دشتِ حیات میں آقا
ہمیں پناہ ملے زیرِ سائبانِ کرم
یہ آرزو ہے مِرے گھر میں بھی کبھی ساقی
بہار بن کر چلے آئیں باغبانِ کرم
ساقی گجراتی
No comments:
Post a Comment
Note: only a member of this blog may post a comment.