رنگ رنگیلے کپڑے پا تے مونجھ گھٹیندے ہیسے
جے کوئی ساکوں گالھ بھلے تاں کن کھنیندے ہیسے
کیکر ٹالھی منڈھ توں ساڈی وستی دے رکھوالے
بیر اساڈے یار کوں بھاندن تہوں رہیندے ہیسے
کون سمجھدے کرب اساڈا، کون بچیسی چھل توں
مال مویشی کھول رُنوسے، بال لُکیندے ہیسے
ڈکھ وی ساڈے نال گزار تے ڈکھی تھی ویندا ہے
ایندا جی بہلاون کیتے باغ دو ویندے ہیسے
ما پیو ساکوں پڑھن کیتے شہر بھیجیا ہے حاذق
اساں شہر اچ بہہ تے وستی یاد کریندے ہیسے
مبشر رحمان حاذق
No comments:
Post a Comment
Note: only a member of this blog may post a comment.