ہن ساڑ تروڑیا دل سائیں
اسیں رسی دے وِچ ول سائیں
ہک دریا وانگ سمندراں دے
مارے اکھیں دے وچ چھل سائیں
کُجھ ایہہ جیہا بَلدا ریتڑہا
لیہہ گئی اے دل دی کھَل سائیں
ہک وار اساڈا آکھیا من
ہک وار اساں نل رَل سائیں
سفراں وِچ تُوں وی حصہ پا
دو چار قدم تاں چل سائیں
سانوں کڈھ تریاکل لوکاں چُوں
کوئی آپ سنیہڑا گھل سائیں
اجاں پیر ٹُرن دے قابل ہَن
کیوں رستے ہو گئے شل سائیں
جس دن دا ڈھٹھّاں غش کھا کے
سائے بیٹھیاں تلیاں مل سائیں
فرحت عباس شاہ
No comments:
Post a Comment
Note: only a member of this blog may post a comment.