میکو کل تیڈا پیغام ملے
ساڈے پیار دی دشمن دنیا ہے
جُل نَس جلوں ای دھرتی توں
اساں پیار دی وکھری نگری دی
بنیاد رکھوں، آباد کروں
پیغام کو سُنڑ دنگ رہ گئی آں
سر اپنڑاں نپ کے باہ گئی ہاں
جیڑھا تیڈا میڈا رشتہ ہے
ایکوں پیار سمجھ میں بھل وچ ہم
میں پیؤ دی پگ کوں رولاں چا
میں ما دا کھیرا بھلاواں چا
سر وِیراں دا نِوڑاواں چا
جیڑھا تیڈا میڈا رشتہ ہے
ایکوں پیار سمجھ میں بھل وچ ہم
تیڈے باج مراں انکار تاں نئیں
گھروں نس ونجڑاں کوئی پیار تاں نئیں
خالد ندیم شانی
No comments:
Post a Comment
Note: only a member of this blog may post a comment.