کنڈیاں تے ٹُر کے آئے تیڈے کول پیروں وانڑیں
اگے تیڈی مرضی ڈھولن توں جانڑے یا نہ جانڑے
کنڈیاں تے ٹر کے آئے
اساں تیڈے کول رہندے توں ساڈے کول رہندا
ساڈے وس دے کولوں باہر بہوں دور دا ہے پینڈا
اساں اس زمیں دے واسی تیڈے چن تے ہن ٹکانے
کنڈیاں تے ٹر کے آئے
تینوں مرض کیڑھا ڈسئیے جدوں سڑ گیا نصیبا
ساڈا سینہ زخمی زخمی توں ویکھ لے طبیبا
کجھ پھٹ نے ساڈے تازے کجھ پھٹ نے بہوں پرانے
کنڈیاں تے ٹر کے آئے
تینوں مانڑ اے حسن دا اج ہے تے کل نہ ہوسی
اساں ہاں فقیر،۔ کل ساڈی لوڑ پوسی
ہک جہے اے ڈیہہ نہ رہندے ہک جہے نہ اے زمانے
کنڈیاں تے ٹر کے آئے
ایہو ہا تہاڈی خواہش او پوری کر گیا ہے
خوشیاں مناؤ سجنو! فاروق مر گیا ہے
ہنڑ کیوں اے رونا پایا تُساں لاش دے سرہانے
کنڈیاں تے ٹر کے آئے تیڈے کول پیروں وانڑیں
اگے تیڈی مرضی ڈھولن توں جانڑے یا نہ جانڑے
کنڈیاں تے ٹر کے آئے
فاروق روکھڑی
No comments:
Post a Comment
Note: only a member of this blog may post a comment.