بھانویں ایدھر لکھ دلیلاں ہون گیاں
اودھر وی دو چار تاویلاں ہون گیاں
اوہدے بارے کجھ وی بولن توں پہلاں
کھل کے گلاں نال وکیلاں ہون گیاں
میں تے اوسے کھوہ توں جا کے پیناں اے
راہ وچ بھانویں لکھ سبیلاں ہون گیاں
چل پٹھی تے تھوڑی بُھکھ پرچا آئیے
اوتھے پنج ست ڈِگیاں کھیلاں ہون گیاں
ہوراں بارے کہہ نہیں سکدا پر تنہا
تیریاں باتاں وچ اصیلاں ہون گیاں
میر تنہا یوسفی
No comments:
Post a Comment
Note: only a member of this blog may post a comment.