دوجا جادوگر
تیرے ہتھ جادو دی لکڑی
جہنوں لگے جی پیندا اے
پتھر ہویا گھنگر ہویا
اٹھ بہندا اے ٹُر پیندا اے
پچھلی رات دی ٹھنڈی لو وچ
رات دی رانی دے مہکار اے
تنبو تانی راتی چن دے
بدلوں پھٹن دے لشکارے
سخر دوپہرے دانے بُھجن
عشق اچ ڈُبیاں دے للکارے
برفاں ڈھکیاں غاراں اندر
جوگ چ رنگیاں دے سسکارے
جد وی جادو لکڑی گُھمدی
ویلا ٹھمیا ٹُر پیندا اے
تیرا جادو سر چڑھ بولے
ہتھوں جاندا مُڑ پیندا اے
ادھی روٹی کھا کے جہڑا
صبر پیالہ پی لیندا اے
لک وچ پلی بنھ کے جہڑا
نسل ہو کے سوں لیندا اے
اوہ وی دوجا جادوگر اے
تیرے جگ وچ جی لیندا اے
منور گل
No comments:
Post a Comment
Note: only a member of this blog may post a comment.