دِیوا ہووے تاں دِیوے نوں بال دیاں
روگ ہنیرے دا سینے وچ گال دیاں
کی ہویا جے اوہدا دل اے سخت بہت
پتھر وی ہووے اوہنوں وی ڈھال دیاں
اوہنوں ہووے جے سچ دی پہچان کدی
موتی سپیاں وچوں باہر اچھال دیاں
دور وسیندے یاراں نوں گل لاؤن لئی
آوے موت تے اوہنوں وی میں ٹال دیاں
توں تے کجھ نہیں آکھن جوگا یارا ہن
طعنہ دتا اے اج میرے نال دیاں
تنویر نوازش
No comments:
Post a Comment
Note: only a member of this blog may post a comment.