دل دی دھڑکن ودھدی ودھدی، بُلھیں آئی اخیر
سوچاں دے وچ تیریاں یاداں، اکھیاں وچ تصویر
اکھاں دے وچ اکھاں پا کے، تینوں جد میں تکیا
پھٹڑ کر چھڈیا ای دل نوں، لا نیناں دے تیر
میں تے تیرے پیار دے موہ وچ، جندڑی دتی ڈوب
توں تے میری اکھیؤں وگدا، پونجھ سکی نہ نیر
تیرے حسن دا ہڑ تک کے، ڈُب ڈُب جاوے دل
میرے سپنے گبھرو ہوئے، کر کوئی تدبیر
میرے پیار تے جھلے لوکی، ایویں کھلیاں پان
ڈونگھے ہین سمندراں کولوں، میرے دل دے چیر
دُکھاں نوں سینے نال لا کے، پیار دی رکھ لئی لاج
دامن اپنا کر چھڈیا اے، راحت! لیرو لیر
اقبال راحت
No comments:
Post a Comment
Note: only a member of this blog may post a comment.