ویلے دیاں دُھپاں اتے چھاواں لُٹ لیا اے
تلیاں نوں سولاں نے راہواں نے لٹ لیا اے
بُوٹیاں تے خالی خالی آلنے اڈیکدے
خورے آج کوئلاں نوں کاواں لٹ لیا اے
تاروآں نوں ڈُونگھے تارو پانیاں نے ڈوبیا
مینوں میری بیڑی دے ملاحواں لٹ لیا اے
غیراں اُتے کاہدا گِلہ؟ غیر فیر غیر نے
ایتھے تاں بھراواں نُوں بھراواں لٹ لیا اے
عرضاں سناواں، سنیں عرشاں دِیا مالکا
سانوں تے زمیناں دِیاں خداواں لٹ لیا اے
اونوں میرے ٹھنڈے ٹھنڈے ہوکیاں نے ٹھگیا
مینو اوہدے کوسے کوسے ساہواں لٹ لیا اے
ظہور حسین
No comments:
Post a Comment
Note: only a member of this blog may post a comment.